TACLOBAN–Ginlalaoman han Business Permit and Licensing Division nga makakab-ot nira an 90% nga renewal yana nga Enero.
Sumala kan Gemmafiel Gaspay, Head han Business Permit and Licensing Division ha Tacloban City nga haros 10,000 nga mga negosyo an mayda iton Syudad.
Magtitikang an pagpapa-renew han mga business permit han ika 5 han Enero o first working day hiton nga tuig 2026.
Ginpaangbit naman hine nga mayda hira mga satellite offices ha Robinsons Marasbaras, Robinsons North, ngan Savemore Tacloban.
Dugang pa hini mayada na gihapon Tacloban e-boss app kun diin pwede hira mag-apply, bumayad, sugadman an mag-renew.
Samtang ginpahimatngon naman hine an mga negosyante nga magpafile na for closure kun dire na igpapadayon an mga negosyo matungod nga mayda ine penalidad kada tuig.
Mababaruan naman nga umabot 20 nga mga negosyo an namagsarado yana nga tuig.
