TACLOBAN CITY – Nadisgrasya an usa nga bus tikang ha Metro Manila sakay an maabot ha 21 nga mga locally stranded individual (LSI) ha Sitio Cantaba, Brgy. Caticugan, Sta. Rita Samar.
Sumala kan Pol. Maj. Dexter Astacaan, Chief of Police han Sta. Rita Police Station, biyahe pakato ha Mindanao an mao nga PARTAS Bus kun diin sakay an mao nga mga LSI ha ilarom han Hatid Tulong Program han Office of the President ngan pag-abot hini ha kurbada nga parte han karsada in tigda nawarayan kontrol an driver han iya ginmamaneho nga bus.
Maswerte naman nga waray may nahipatik nga samaran ha mao nga insidente ngan dayon naibalhin ha iba nga bus an mga pasahero para igdulong ha ira destinasyon.
Nagkamay-ada naman hin danyus an usa nga balay mahuman nga madanas han bus an usa nga poste ngan natumba ha mao nga residential house.
