ODD NEWS- Harani na maganak an magturutdo nga hi Erica Nigrelli, nga taga-Texas.
Samtang nagaandam para ha pagabre hiton klase in tigda ine nga nakaabat hin lingaw ha ulo ngan sunod in ginatake hiya hin seizure ngan tigda nangingisay ngan bumura an baba.
Dayon naman nga nakatawag an iya mga kaupod nga magturutdo ha 911, gindara hira ha ospital pero pagabot ha ospital in waray na ine pulso ngan umundang na an pagputok han iya kasingkasing.
Dayon naman nga nagdesisyon an mga doctor nga magdumara hin emergency cesarean section para makatalwas an bata nga nakada han tiyan ni Erica.
Maupay nala nga nakatalwas an bata nga ginngaranan pa hi Elayna.
Pero an sobra pa nga ginkakapausa han ngatanan in tigda nga bumalik an pagputok han kasing kasing ni Erica mahuman nga maigawas an bata.
Nabaruan han mga doctor nga mayda ngean sakit ha kasing kasing hi Erica nga waray ka diagnose ngan atake ha kasing kasing ngean an naexperyensiyahan hine nga seizure.
Ginkinahanglan la nga igbutang ha ICU hi Elayna kahuman han iya delivery pero waray naman nakikita nga problema an mga doctor ha mao nga baby.
Nagkita naman an magnanay makalabay an tulo kasemana kahuman han kakaiba nga paganak ni Erica.
