ODD NEWS — Harani na nga manganak an maestra nga hi Erica Nigrelli, taga-Texas. Dida han kulop han Pebrero 2013, samtang nagtutudto, tigda nala ini nakaabat hin pagkalipong. Kahuman in gin-atake hiya hin seizure ngan tigda nangurog ngan bumura an baba hini.
Dayon naman nga nakatawag an iya mga igkasi maestra ha 911. Gindara hiya ha ospital. Pero pag-abot ha ospital, waray na hiya pulso. Umundang na pagputok an kasingkasing ni Erica.
Dayon naman nagdesisyon an mga doktor nga magdumara hin emergency caesarean section agud maisalbar an baby nga nakada ha tiyan ni Erica.
Swerte nga nakatalwas an bata ngan gin ngaranan ini kan Elayna.
Pero duro an kapausa han mga tawo kay tigda la nga bumalik an pulso ni Erica mahuman nga maigawas an bata.
Napag-araman han mga doktor nga mayda ngayan sakit ha kasingkasing hi Erica nga waray na ka diagnose ngan atake ha puso an iya inabat nga seizure. Kinahanglanon naman nga igbutang ha intensive care unit hi Elayna mahuman an iya delivery pero waray naman nakit an nga problema an mga doktor ha mao nga baby.
Nagkita an mag-nanay mahuman la an tulo-kasemana mahuman an nahitabo nga insidente kan Erica.
