TACLOBAN CITY – Nagkagawas ha ira mga panimalay an pira nga mga residente mahuman an natabo nga pagbay-og han makusog nga linog nga naabat ha magkadirudilain nga parte han probinsya han Leyte.
Una hini, ginbay-og hin 5.3 magnitude nga linog an bungto han Burauen, Leyte.
Una anay nga naitala han Phivolcs an linog ha 5.0 magnitude san-o nira ini ig-update ha magnitude 5.3
Ha pagkayana in sobra 40 nga mga aftershocks na an naabat ha magkadirudilain nga parte han nasud kun diin pinakamakusog an 4.1 magnitude nga pagbay-og ha parte naman han Homonhon Island, Guiuan, Eastern Samar.
May pira nga mga panimalay naman ha Burauen an nagkaada hin damages tungod ha makusog nga pagbay-og.
Ha pagkayana, in padayon pa an ginbubuhat nga assessment ngan monitoring han mga otoridad tungod han padayon nga mga aftershocks nga naaabat.
