TACLOBAN CITY – Andam na an bug-os nga Balangiga, Eastern Samar para han pagsalin-urog yana nga adlaw han komemorasyon han ika-120 katuig han Balangiga Encounter.
Sumala kan Fe Campanero, tourism officer han Balangiga, Eastern Samar, magiging simple ngan limitado la an ira pagdudumaraon nga mga aktibidad ha mao nga komemorasyon tungod manggud han nagpapadayon nga COVID-19 pandemic.
Titikangan ini pinaagi han thanks giving mass, nga susundan naman han candle lighting, wreathlaying ha atubangan han Balangiga Encounter monument ngan halipot nga commemorative program.
Mahugot gihapon nga igpapatuman an health protocols kontra COVID-19 agud nga masiguro nga dire magiging kawsa han pagsarang han virus an pagdudumaraon nga mga aktibidad yana nga adlaw.
