-- Advertisements --
ODD NEWS– Usa nga bumbilya an sobra 100 katuig na nga naglilinaga.
Ine iton naghahatag hin lamrag ha Fire Station #6 han Livermore-Pleasanton Fire Department.
Kilala kumo Livermore Centennial Light Bulb, ine na an pinakamadugay nga naka-abri nga bumbilya ha kalibutan tikang hadton 1901.
Subay hiton nag-aatiman, nagdugay ine matungod nga himo ine ha madig-on nga materyales, ngan naka-konekta ine ha usa nga emergency power supply.
Mababaruan, ginbalhin ine han 1976, ngan mayda pa ine firetruck escort agud nga siguraduhon nga dire ine maguguba.
Pag-abot naman han 2013, tigda nala ine nga naparong pero nadiskubrehan nga nautod an kuryente ngan dayon liwat ine nahibalik mahuman an 10 ka-oras.
