NATIONAL–Nagpapadayon an effusive eruption ngan minor strombolian activity han bulkan Mayon sumala ha obserbasyon han Philippine Institute of Volcanology and Seismology (PHIVOLCS).
Sumala kan Mariton Bornas, Chief han Monitoring and Eruption Prediction Division han PHIVOLCS, nagpapadayon an pagpagawas hin lava tikang ha crater nga nagdudurot hin pyroclastic density current ngan rockfall nga igbaw hiton bulkan.
Gineksplikar niya nga an minor strombolian events in durot han pagpisik hin lava kun nag-rupture an volcanic gas bubbles, nga nagin hinungdan han lava spray.
Na-awas pa gihapon an lava flow ha tulo nga gullies han bulkan, Mi-isi, Bonga, ngan Basud, mahitungod ha padayon nga suplay hin lava tikang ha crater.
Samtang, panaka-naka an pagbuga hin lava, ngan ha presente in waray pa indikasyon hin explosive eruption mahitungod nga nagpapabilin nga waray pagbabag-o ha mga ginbabantayan nga mga parameters han Bulkan Mayon.
