-- Advertisements --
TACLOBAN CITY – Nagpahinumdom ha mga pasaheros an Traffic Operations Management Enforcement and Control Office (TOMECO) nga diri sumakay ha mga colorum nga mga sarakyan labi na adton mga nasukot hin labaw pa ha gintalaan nga pamasahe.
Sumala kan Jobs Lagutan, Head Traffic Engineering Division han TOMECO, an mga colorum nga mga sarakyan in amo an numero uno nga nasukot hin sobra-sobra nga mga pamasahe ha mga pasaheros.
Mayda napresyo hin P80 tubtob P150 nga pamasahe kun diin pagtalapas ini ha Traffic Ordinance han siyudad.
Paghangyo naman han mao nga opisyal ha mga pasaheros, nga dayon makipagsumpayan ha ira buhatan pananglitan nga mabiktima ha sugad hini nga modus han mga diri lehitimo nga mga namamasada.
