Umabot ha P165.4 billion an naitala nga budget surplus han nasud Pilipinas ha syahan nga bulan han tuig 2026 nga haros triple pa ha naitala nga budget surplus dida han bulan han Enero han nakalabay nga tuig nga umabot la ha P68.4 billion.
Gin tutuuhan nga nahimo ini han national government mahitungod ha paghitaas han income han gobyerno.
Ha mao nga bulan, umabot ha P468.9 billion an nakolekta nga income han national government.
Dako nga parte han nasabi nga income in tikang ha Bureau of Internal Revenue (BIR) nga nakakolekta hin P358.7 bilyon kun diin mas hitaas hin 1.01% kumpara han January 2025.
Samtang, umabot naman ha P80.9 billion an nakolekta han Bureau of Customs (BOC) nga humitaas hin 2.13%.
Sumala ha BOC, an mas hitaas nga tax collection in tungod ha mas mahugot nga pag papatuman hin iba-iba nga messure kuntra smuggling ngan iba pa nga ilegal na aktibidad.
Samtang, gin kikilala naman ini han BIR kumo digitalization ngan mas mahugot nga tax administration kumo pangunahon nga rason han paghitaas tax collection dida han nakalabay nga bulan yana nga tuig.
