TACLOBAN CITY– Ginpahibaro hiton PhilHealth Region 8, nga nakagbayad na ine ha P8B nga kantidad para hiton Yakap Program.
Sumala kan Miramar P. Zabala, Head of Public Affairs Unit PhilHealth Region 8, ini an kabug-osan nga datos an naibayad daw han PhilHealth dida han November 2025.
Kilala an Yakap program kumo usa nga bag-o nga programa han gobyerno kun diin an panuyuan hini in matagan hin bulig an mga kablas nga Pilipino.
Ini in may ada 75 nga mga importante nga medisina, kun diin pwede magamit han mga Pilipino.
Una nga igin pahayag han PhilHealth nga kadam-an nga na record nga Yakap Members in ha Tacloban nga usa ha may pinakadamo nga Hospital ngan Clinic ha Eastern Visayas.
Maabot naman ini ha 136 nga Accredited partners an kaparte han programa nga Yakap han PhilHealth ha rehiyon.
Gin lalauman naman han PhilHealth nga madamo pa an mapa-register han nasabi nga programa.
Pahinumdom naman han ahensiya nga ugsa mag-avail han programa in kinahanglan nga miyembro anay ini ugsa nga magpa konsulta ngan libre an mga ine makakakuha hin medisina.
