Maglulunsar an Bangko Sentral ng Pilipinas (BSP) hin tulo nga bag-o nga digital payment services agud himuon nga mas malaksi ngan mas madali an pagpapadara hin salapi, pagbabayad han mga regular nga kabaraydan, ngan paghimo hin dagko nga transakton han mga negosyo.
Kaupod dinhi an InstaPay Cash-In, InstaPay for Business, ngan Direct Debit PH.
Pinaagti han InstaPay Cash-In, mas madagmit na nga makakagbalhin hin salapi an mga nagamit ha butnga han kalugaringan nira bank account ngan e-wallet hin dire na kinahanglan bumalhin hin aplikasyon.
Samtang, ginpahitaas naman han InstaPay for Business ha P500,000 kada transaksyon an limitasyon para ha real-time funs transfers han mga negosyo, nga posible gamiton ha payroll, loan disbursements, ngan pagbabayad ha mga supplier.
Iginpakilala gihapon an Direct Debit PH, nga maghahatag hin dalan ha otomatiko nga pagbabayad han mga regular nga obligasyon sugad han utility bills, insurance premiums, loan payments, ngan subscriptions. Libre ini para ha mga consumer mahitungod nga an gastos ha transaksyon in babatunon han kumpanya nga makarawat han bayad.
Subay ha BSP, ginlalauman nga mas damo nga bangko ngan electric money issuer an mabulig ha bag-o nga serbisyo ha mga masunod nga tuig.
Mahitungod hini, mas kumpyansa an BSP nga makab-ot, o posible nga malahusan pa an target nga 60-70% han retail transaction ha Pilipinas in digital na pag-abot han 2028.
