NATIONAL – Waray magpabantad an 44-meter Multi-role Response Vessel (MRRV) BRP Cabra ha pagmo-monitor han mga gios han China Coast Guard vessel 3105 ha katubigan han Zambales ha kahirayo nga 95 nautical miles.
Subay ha nagin pahayag ni Philippine Coast Guard (PCG) Spokesperson for the West Philippine Sea Commodore Jay Tarriela, nagpapabilin nga ginpapatuman han PCG an ira mandatos nga proteheran ngan magmanman ha mga ilegal nga presensya han CCG ha katubigan han nasud.
Gintagan-duon gihapon ni Tarriela an mga nagin pagtalapas han China ha padyaon nga paglilibot ngan pagpabilin han mga ine ha sulod han exclusive economic zone han nasud.
Samtang, magpapabilin naman an PCG ha pagtuman han ira mandatos ngan magin ha igin tudlok nga trabaho ha ira ni Presidente Ferdinand Marcos Jr. nga siguraduhon nga bisan square inch han teritoryo han Pilipinas in dire makukuha han bisan anu nga foreign power.
