INTERNATIONAL – Ginkansela na han British Airways an mga flight hini tikang London Heathrow pakadto ha Dubai ngan Doha kasunod han panbomba han Amerika dida han mga nakalabay nga adlaw ha tulo nga nuclear facilities han Iran.
Sumala ha tagapagyakan han British Airways, ginbuhat an pagbabag-o ha schedule agud masigurado an katalwasan han mga pasaheros ngan tripulante hini.
Ginanunisyo gihapon han airline nga waray available nga flight ha mga ruta hini tikang dida han Dominggo ngan Lunes ngan magtitikang an mga booking yana nga Martes.
Waray naman iginpaangbit han airline kun san-o mabalik an mga flights.
Samtang, damo nga mga airline gihapon an nagtikang magkansela han mga flight pakadto Middle East sugad han Tel Aviv ngan Tehran mahitungod ha nagtitikagrabe nga kasamok, samtang sarado na gihapon an airspace han Iraq, Jordan, ngan Syria.
