TACLOBAN CITY – Nakatalaan nga magkaada hin kickoff event an Department of Education Tacloban City Division han Brigada Eskwela 2024 ha Tacloban City National Agricultural School nga kun diin, magkakaada ini hin panhatag hin cash subsidies para liwat mabuligan an maintenance ngan mga paghingayad han eskwelahan kumo pangandaman para han pag aabre han paninbag-o nanaman nga School Year.
Sumala kan Dr. Nilo Eder, Information Officer han City Division nga naglalaum hira nga an pagtitikang han panibag-o nga school year, in magigin mabinungahun ngan mayda mga improvements in labi na ha performance han usa nga estudyante.
Gintagan gihapon niya hin duon an importansya han pagdudumara han Brigada Eskwela nga importante an suporta han bug-os nga komunidad para naman han magigin maupay nga kabubuwason han usa nga estudyante.
“The Bayanihan Spirit is truly alive. Let us remember the adage, ‘It takes a village to raise a child.’ In the context of education, it takes the entire community to educate a child,”
Ginpatapod pa ni Eder nga hul-os an ira ginbubuhat para han dekalidad nga edukasyon ha mga mag aaram.
“We welcome the start of School Year 2024-2025 in the DepEd Tacloban Division with great enthusiasm and hope. With the first implementation of the MATATAG K-10 curriculum, we anticipate significant improvements in our learners’ performance. We are committed to providing quality education and have made every effort to prepare for this school year,” yakan ni Eder.
Magtitikang an Brigada Eskwela program ha Hulyo 22 kutob Agusto 16, 2024, samtang an pag aabre naman han klase han SY 2024-2025 in magtitikang ha Hulyo 29, 2024 kutob ha Abril 16, 2025.
