Usa nga babaye an namatay ha adlaw mismo han iya kasal pero imbes nga ig undang an wedding ceremony, ginbalyuan hiya han iya nakababata nga bugto para pakaslan an groom ha mao gihapon nga adlaw.
Malipayon nga adlaw unta an petsa nga Mayo 26, 2021 para kanda Surabhi ngan Manjesh tungod ini nga adlaw gihapon an ira kasal. Pero ugsa pa magtikang an “pheras” ceremony – usa nga importante nga ritwal ha kasal han mga Hindu, tigda nga nag-collapse ha stage hi Surabhi. Waray na hiya katalwas han paramedics ngan gindeklara nga waray na kinabuhi.
Pero imbes nga igkansela an okasyon, nag uru-istorya an pamilya han magkaluyo nga panig. Tungod an pagpapakasal nira Surabhi ngan Manjesh in usa nga arranged marriage, napagkasarabutan nga balyuan hi Surabhi han iya manghud nga hi Nisha.
Diri naman malikayan nga magin mabugat ngan masulob-on an wedding ceremony nira Surabhi ngan Nisha tungod ada ha sapit nga kwarto an patay nga lawas han kamamatay la nga hi Surabhi.
Sumala ha pakipaghimangraw kan Nisha han usa nga local news agency ha Uttar Pradesh, dayon hiya nga tumugot nga magin kabalyo han iya bugto tungod ha pagkita niya in obligasyon niya ini ha iya pamilya.
