ODD – Diri na igpapadayon han usa nga bride ha India an pagpapakasal niya matungod nga waray kahimo nga marecite han iya groom an multiplication table ugsa an ira wedding ceremony.
Waray naman igpagawas ha report an pangilal-an han bride ngan groom, nga nakatalaan unta nga igkasal pinaagi hin usa nga arranged marriage.
Ugsa an kasal, ginyaknan han bride an groom nga i-recite an multiplication table tungod nagdududa hiya ha educational background han lalaki.
Han waray ini mahimo han groom in dayon nga nag walk out an babaye tungod diri daw niya kaya nga makasal ha usa nga tawo nga waray hibaro ha basic math.
Umabuyon naman an pamilya han bride ha iya nagin desisyon tungod waray daw igsumat ha ira han pamilya han groom nga waray ngayan ineskwelahan an lalaki.
Nagkasarabot naman an duha nga pamilya nga igbalik an mga regalo nira ha usat usa mahuman nga makansela an kasal.
