-- Advertisements --
TACLOBAN CITY- Waray na kinabuhi an usa nga Barangay Tanod, han mahikit-an in han mga otoridad ha baybayon han
Barangay Monbon, Palapag Northern Samar.
Sumala kan PSSGT. Edmark Calda, Investigator on Case Palapag Municipal Police Station, nga subay ha ira gindumara nga imbestigasyon, nga an biktima in lumakat ha ira panimalay han nakalabay nga Hunyo 27, 2024 ngan waray na ine umole.
Mababaruan, nga an nasabi nga biktima, in nagin palaboy-laboy ha nasabi nga lugar, kun diin waray ine sul-ot nga panapton, ngan gintutuohan nga nawarayan ine hin sakto nga panhuna-huna.
Ginkikita naman nga rason han nagin kamatayon han biktima, in an kahagkot, kagutom ngan uhaw.
Waray naman nakikit-an nga foul play han mga otoridad ha nasabi nga insidente.
