TACLOBAN CITY – Patay an usa nga Brgy. Secretary mahuman pagpamumun-on ha Brgy.Binanalan Sta.Rita, Samar.
Ginkilala an biktima kan Suzette Yadoc , 49-anyos, may asawa ngan residente han mao nga baranggay samtang ginkilala an suspek nga hi Onelo Bisco Solayao, 37 anyos, waray asawa, parag-uma ngan residente gihapon han mao nga baranggay.
Sumala kan Pol. Maj. Neil Fernando Cerdeña, Chief of Police han Sta. Rita MPS, maiha na daw may kadurumtan ngan delito an tagsa pamilya han biktima ngan suspek nga naging hinungdan han mao nga insidente hin panmumuno.
Basar naman ha inisyal nga imbestigasyon, ginpanmumuno makaupat kabeses han suspek ha magkalain-lain nga parte han lawas an biktima didto la mismo ha Brgy. Hall han nasabi nga barangay.
Dead on the spot an biktima mahitungod han naangkon hini nga mga binun-an ha iya dughan.
Ha pagkayana in naaresto na an suspek ngan gin aandam na an kaso nga igsasalawad ala kontra ha iya.
