-- Advertisements --
TACLOBAN CITY – Arestado an usa nga barangay konsehal ha gindumara nga drug buy-bust operation ha Brgy. Hipusngo, Baybay City, Leyte.
Ginkilala an suspek nga hi Marco Antonio Villacorte, 37 anyos, ngan residente han Brgy Zone 20, han mao nga siyudad.
Sumala kan Rogellette Urgel, tagapagyakan han PDEA Region 8, nga ginkokonsidera nga high value target (HVT) an mao nga suspek ngan maiha na nga ginmaman-manan han mga otoridad.
Napalit ngan nakompiskar ha mao nga operasyon an 4 ka sachet han gintutuuhan shabu nga may estimated market value Php16,000.00.
Ha pagkayana in naatubang naman an mao nga suspek ha kaso nga pagtalapas han RA 9165 ngan yana in adto na ha kustodiya han Baybay City MPS Lock-up Facility.
