-- Advertisements --
TACLOBAN CITY – Nakatalaan nga magdumara hin barangay assembly an Brgy. 39 Siren Tacloban City yana nga maabot nga Nobyembre 30,2020.
Sumala kan Hon Recardo Ogardo Chairman Brgy 39 Siren Tacloban City, nga panuyo han mao nga katitirok nga maipahamtang ha katawhan an prayoridad han ira mga komitiba sugad nala han peace and order ngan an hulagway han COVID-19 ha ira barangay.
Dugang pa hine nga paghihimangrawan daw gihapon nira an bahin ha relocation han 37 nga pamilya nga apektado han ginpapaayad nga riprap.
Kasumpay hine in mahugot la gihapon an ginpapatuman nga health protocol ha butnga han katitirok agud malikayan an pagsarang han COVID-19.
