TACLOBAN CITY – Gin-aandam na hiton Business Permit and Licensing Division an proseso para ha 2026 Business Permit Renewal.
Lakip hini an paglulunsar han Electronic Business One-Stop Shop o (E-BOSS) — usa nga online system nga nagpapadagmit ha pagkuha hiton business permit.
Subay kan Tacloban City Business Permit and Licensing Division Head, Gemmafiel Gaspay, an E-BOSS in baga-baga hin online shopping platforms kun diin pwede mag-apply, mag-upload hin requirements, ngan magbayad han business permit.
An bayad in pwede pinaagi ha banko o e-wallet.
Kun kumpleto an rekisitos ngan bayad in pwede na igpa-deliver an business permit ha email o ha mismo nga address hiton aplikante.
Gin-aaghat naman niyo iton ngatanan nga magsunod ha mga ginpapatuman nga aludayday ngan pahimatngon hiton advisory. (via Bombo Shiela Encio)
