TACLOBAN CITY – Nagpatuman hin 48-hour hard border lockdown an siyudad han Borongan tinikangan kakulop nga adlaw kutob Agosto 10.
Sumala kan Borongan City Mayor Jose Ivan Agda, panuyo hini nga matagan hin iwag an pagdumara hin disease surveillance ngan contact tracing han mga posible nga nakahibalag han 5 nga panibago nga kaso han COVID-19 ha Eastern Samar kun diin usa ha mga ini in naka admit ha Eastern Samar Provincial Hospital ha Borongan.
Kasumpay hini, tanan nga mga biyahe pagawas ngan pasakob ha Borongan in temporaryo la anay nga suspendido labot nala han mga delivery han essential goods ngan services.
Kikinahanglanon naman han mga ini nga magsunod ha minimum health standard protocols sugad han pagpailarom ha triage ngan pagpresentar han medical certificate ngan travel authority.
Nanawagan naman ini ha tanan nga mga returning residents nga strikto nga magsunod ha health protocols tungod may-ada pipira nga mga health workers nga na expose ha mga COVID patients ngan yana in naka isolate ha sakob hin 14 diyas.
