TACLOBAN CITY– Boluntaryo nga sumurender hi Borongan City Acting City Mayor Fidel Anacta Jr. kan P/Supt. Dionesio Maestre Jr., hepe an Borongan Police Station dida la han nakalabay nga semana.
Una hini, usa nga warrant of arrest para kan Anacta an guin issue ni Associate Justice Ma. Theresa Mendoza- Arcega han Sandiganbayan Fifth division dida han nakalabay nga March 21, 2017.
An mao nga kaso in may kalabutan han guin purchase nga proposed cemetery han nakalabay nga tuig 2003 dida han hi Anacta pa an Mayor han Borongan,Eastern Samar.
Sumala ha guinpagawas nga report, nga 16,426 square meter nga lote an guinpalit han P8.21 million, samtang guindesisyunan han Sandiganbayan nga overprice an mao nga pag purchase mahitungod nahisabtan nga P58,197 la an market value.
Guinsentensyahan han Sandiganbayan hi Anacta hin 6 hasta 10 anyos nga kapresuhan ngan guinbawalan nga kumapot han public office.
Manunumduman nga hi Anacta an naging Acting Mayor tikang dida han Marso 1 mahuman nga guinsuspende han Ombudsman hi Mayor Fe Abunda.
