TACLOBAN CITY– Padayon nga na-abat hin kaluya hiton mga mamaralit an pira nga mga negosyante ha syudad ha kaluyo nga nagtitikaharani iton kapatrunan han Tacloban.
Sumala kan Eugene Tan, President Philippine Chamber of Commerce and Industry Tacloban & Leyte, subay ha iya pira nga mga negosyante an nagpahayag nga maluya hiton mamaralit an downtown area, tarihas ha ginlalauman han mga ine nga mabolyo an costumer durante han kapyestahan.
An nasabi nga kaluya hiton costumer, in kanit ha pagtindog hiton Sangyawan grounds ha Marasbaras area, kun diin kadam-an hiton mga katawhan in napakadto, lakipan pa nga sapit ine hiton usa nga mall nga nahihimutang ha nasabi nga lugar.
Una hine, damo nga mga negosyante an naaraba matungod nga gutiay nala an costumer nga nagpapabilin ha downtown area, pagtatamak hiton alas 5-6 hiton kakurulpon, ngan kasagaran namamagsarado nala hin sayo an pira mga establisyemento tungod han kaluya han mamaralit.
