INTERNATIONAL – Nablingan na han mga miyembro han search team an black box han Azerbaijan Airlines flight J2-8243, an passenger plane nga lumaprak ha syudad han Aktau ha Kazakhstan.
An black box in usa nga plane device nga may sulod nga mga impormasyon kabahin ha flight, airspeed, altitude, oras han biyahe, ngan iba pa nga mga importante nga impormasyon kabahin ha biyahe han mga eroplano.
Sumala kan Kazakhstan Deputy Prime Minister Kanat Bozumbayev, usa nga komisyon an gihimo para pangunahan an imbestigasyon ha plane crash.
Mabulig gihapon an nasabi nga komisyon ha pamilya han mga namatay nga pasahero, kaupod na an mga nakatalwas.
Sumala kan Bozumbayev, naka andam na an komisyon ngan an gobyerno han Kazakhstan nga makipagsumpayan ha mga Azerbaijan authorities nga ginlalaoman nga maghihimo hin kalugaringon nga imbestigasyon kabahin ha insidente.
