TACLOBAN CITY– Ginsigurado han Bureau of Jail Management and Penology Regional Office Vlll, nga 100% na hira nga andam para hiton tia-arabot nga piniliay yana nga Mayo 12, 2025.
Sumala kan Atty Richard Operario Banaldia, Information Officer, Bureau of Jail Management and Penology Regional Office Vlll, mayda duha ka-klase hiton pan-botos an ira pagdudumaraon ine an gintatawag nga Special PDLs ngan Escorted PDL.
An gintatawag nga Special Polling Pricinct para ha mga botante nga Person Deprived of Liberty (PDLs), ine adton mga pinili nga PDLs, nga mabotos ha sulod han pasilidad.
Samtang an Escorted Person Deprived of Liberty (PDLs) ine naman, in dadad-on ha mga precinct nga nakatudlok hiton Comelec, kaupod iton mga kapulisan ngan court order tikang ha korte nga an mga ine in mayda katugutan nga gumawas agud nga bomotos ha Mayo 12.
Ginmalatumat hine nga dinhi ha rehiyon maabot ha 587 nga mga Persons Deprived of Liberty (PDLs), an mabotos ha sulod hiton BJMP facility, samtang ada naman ha 61 nag mga preso an magawas agud nga bomotos ha ekwelahan nga gin-andam hiton Comelec.
Matikang naman an ira pan-botos alas 7 hiton aga, ugsa pa bomotos an mga sibilyan, ine in agud nga dire hira makagkawsa hin kahadlok ngan pagbugiot.
Ginsisigurado naman hine, nga magpapatuman hira hin mahugot nga seguridad, agud nga dire magkamayda hin mga untoward incident, partikular na ha pagdara hiton PDLs ngadto ha mga polling precinct.
Ginmalatumat naman hine, nga pwede makabotos an mga ine ha lokal ngan national nga mga kandidato, ine naman in subay ha bag-o nga ginpagawas nga kamanduhan hiton Comelec.
