-- Advertisements --
ENTERTAINMENT – Mayda usa nga ginhahangyo hi Kris Aquino para ha iya ika-55 kaadlawon dida han Pebrero 14.
Ha iya social media account in nagpost an Queen of All Media hin litrato nga mayda mga birthday balloons.
Ginmalatumat hini nga padayon an iya pagpaupay kun diin hangyo niya in umabot pa hiya han edad nga 60.
Ginpaangbit gihapon hini an update ha iya panlawas kun diin dire pa hiya gintutugotan nga magbaktas ha gawas kutob dire natatanggal an tahi.
Manunumduman nga tuig 2022 han nagpakadto ha US hi Kris para magpaupay ha iya siyam nga autoimmune conditions ngan bumalik ha nasud dida han 2024.
