Igindeklara nga void o waray bisa han Regional Trial Court (RTC) Branch 111 ha Tarlac an birth certificate ni anay Bamban, Tarlac Mayor Alice Guo hadton Setyembre 24, 2025.
Ine an ginkumpirma ni National Statistician and Civil Registrar General Undersecretary Claire Dennis Mapa, mahuman nga magsalawad hin petition an Office of the Solicitor General (OSG) ngan Philippine Statistics Authority (PSA) hadton Hulyo 24, 2024 agud kanselahon an birth registration ni Guo.
Ha imbestigasyon han Senado ha panukala nga pondo han Department of Economy, Planning, and Development (DEPDev) para ha 2026, ginmalatumat ni Mapa nga ine in maupay nga balita ha gobyerno mahitungod nga ginpamatud-an hine nga peke ngan dire valid an igin pasa ni Guo nga certificate of live birth.
Samtang, ginhipatik gihapon ni Mapa nga tikang ha sobra 50,000 birth certificates nga ginpapanginano, ada ha 840 an natudlok nga “highly irregular,” ngan duha na hine an pormal nga gin indorso agud kanselahon.
