Nagin usa ha syahan nga duha nga ahensya han gobyerno nga na-onboard ha National Single Window–Integrated Trade Facilitation Platform (NSW-ITFP) an Bureau of Internal Revenue (BIR), nga ginpapangunahan han Department of Information and Communications Technology (DICT). Pormal nga nagtikang an pilot go-live operation han sistema dida han Hunyo 19, 2026.
Kadungan han BIR, na-onboard gihapon an National Tobacco Administration (NTA). Kaparte han integrasyon an Electronic Authority to Release Imported Goods (eATRIG) han BIR, mahuman malinangpuson nga makompleto an User Acceptance Testing (UAT). Ini an naghatag hin dalan ha pilot implementation han eATRIG ha sulod han National Single Window.
Sumala kan BIR Commissioner Charlito Martin Mendoza, dako nga pitad ini tikadto ha mas malaksi ngan episyente nga transaksyon han gobyerno.
Dugang pa, subay ini ha direktiba ni Presidente Ferdinand Marcos Jr. nga himuon nga mas simple an compliance, ibanan an red tape, ngan palasihon an digital transformation ha ilarom han Digital and Data Transformation pillar han BIR DARES Reform Agenda.
Nagpasalamat gihapon hi Mendoza ha DICT ha pangungunan ha pagbug-os ngan pagpapatumanhan NSW, ha Department of Finance ha paghahatag hin giya ha polisiya, ngan ha mga technical teams han BIR nga naningkamot para ha proyekto.
An NSW-ITFP in usa nga centrialized digital platform nga naghahatag hin dalan ha pagpapasa, pagproseso, ngan pagbabalyuay han trade-related permits ngan regulatory documents pinaagi han uusa nga electronic gateway. Target nga ma-onboard han 72 Trade Regulatory Government Agencies ha magkadiru-dilain nga lebel agud mabug-os an usa nga integrated digital trade ecosystem para ha nasud.
Kun mas damo pa nga ahensya an mahilakip, ginlalauman nga makakatagamtan an mga negosyo ha mas malaksi nga proseso, mas gutiay nga pauru-utro nga rekisitos, mas maupay nga koordinasyon han mga ahensya han gobyerno, ngan mas predictable nga trade-related transactions.
