NATIONAL NEWS – Padayon an panawagan han Bureau of Internal Revenue ha sakto nga pagbabayad hin buwis.
Kasumpay hine in ginpahalawig naman han ahensya kutob Hunyo 16 an pagsasalawad han aplikasyon ha Estate Tax Amnesty Program.
Syahan na nga ginpahayag han ahensya nga kutob nala kakulop nga adlaw, Hunyo 14, an katapusan nga adlaw han pagpapasa hine.
Ha usa nga pahayag, ginmalatumat ni BIR Commissioner Romeo Lumagui Jr., nga kaupod ha sakop han hatag nga amnestiya in an mga property han mga namatay ugsa o dida han Mayo 31, 202 nga dire pa nababayaran nga buwis.
Gin anunsyo gihapon hine an iba pa nga mga payment facility para ha mga karuyag pa nga humabol ngan mag-avail hin programa.
Kaupod na hine an pagbabayad pinaagi han over-the-counter sa ira mga Authorized Agent Banks ngan pagbabayad pinaagi han BIR-approved electronic payment gateways ngan iba nga pa options sugad han pagkadto ha mga Revenue District Offices o Revenue Collection Officers.
