Nakatirok an Bureau of Internal Revenue (BIR) hin P279.1 bilyon dida han Mayo 2026, mas hitaas hin 14.15% kumpara ha kaparehas nga bulan dida han nakalabay nga tuig.
Lamahos gihapon ini ha target han ahensyta nga P279.056 bilyon.
Sumala kan BIR Commissioner Charlito Martin R. Mendoza, nakabulig an ginpahilawig nga filing season ngan an kooperasyon han mga nagbabayad hin buwis ha maupay nga resulta.
Igin eksplikar ni Mendoza nga an ekstensyon nga iginhatag ni Presidente Ferdinand Marcos Jr. in naghatag hin dugang nga panahon ha mga taxpayer agud makag-file hin maupay ngan makagbayad ha butnga han energy crisis.
Tikang han Enero kutob Mayo 2026, umabot na ha P1.434 trilyon an kabug-usan nga kita han BIR, mas hitaas hin 5.49% o P74.582 bilyon kumpara ha kaparehas nga panahon dida han 2025.
Dugang pa ni Mendoza, nakab-ot an pag-ursa kadugngan han pagpapatuman han mga reporma ha ilarom han BIR DARES agenda, kaupod an paglunsar han Taxpayer ngan QR-enabled Certificate of Registration para ha online businesses.
