NATIONAL – Ginaandam na yana an rollout han digital track-and-trace system nga makakatudlok han mga peke nga produkto han vape ngan iba pa nga excisable goods pinaagi han QR codes gamit an mga smartphones.
Sumala kan Bureau of Internal Revenue (BIR) Commissioner Romeo Lumagui Jr., an nasabi nga inisyatibo in kaparte han kanan gobyerno paningkamot nga mapugngan an pagdamo han smuggled ngan unregulated vape products, nga amo an nagigin hinungdan han pagkalugi han gobyerno ha porma hin buhis.
Dugang pa ni Lumagui, an bag-o nga sistema in makakapadagmit han mga paningkamot han pagpatuman han balaud ngan makakapanalipod han mga negosyo nga nagios hin legal.
Aminado an hepe han BIR nga dako nga ayat an paglanat han mga iligal nga vape produkto mahitungod nga an mga parabaligya in duro hin kaabtik ha pagtago han ira mga produkto nga diri rehistrado tikang ha mga mata han mga inspektor.
Ha pagkayana, madagmit na nga nabalhin ha vaping an mga nagamit hin sigarilyo, labi na ha sektor han mga kabataan.
