Gin lunsar hin Bureau of Internal Revenue (BIR) an one-time Tax Abatement Program para ha mga micro taxpayers agud mabuligan hira ayudon an ira delinquent accounts ngan makagtikang utro hin waray mabug-at nga pas-anon.
Sakop han programa an mga negosyo nga mayda tinuig nga kuhida nga dire malahos ha P3 milyon ngan may-ada tax liabilities nga dire mahitaas hin P80,000.
An mga kwalipikado nga aplikante in pwede mag-avail kutob Disyembre 31, 2026.
Sumala kan Commissioner Charlito Martin R. Mendoza, panuyo han programa nga suportahan an direktiba ni Presidente Ferdinand Marcos Jr. nga himuon nga mas madali an pagsunod ha buwis ngan himuon nga mas accessible an serbisyo han gobyerno.
Dugang pa ni Finance Secretary Frederick D. Go, kaparte ini han Ease of Doing Business reforms agud buligan an gudti nga negosyo nga makagpadayon hin maupay.
An mga aplikante in kinahanglan magbayad hin P5,000 abatement fee ngan magsumite hin aplikasyon ha ira Revenue District Office.
Kun makompleto na an rekisitos, tatagan hira hin Certificate of Availment kumo pamatuod nga sarado na an ira kaso.
Pinaagi hini, ginlalauman han BIR nga mas damo nga micro taxpayers an magigin masugot ngan makakagtikang utro hin malimpyo an rekord.
