-- Advertisements --
NATIONAL – Ginraid han mga tawo han Bureau of Internal Revenue kun diin maabot ha 1.31M nga pakete hiton peke ngan igindidire nga sigarilyo an narekopo han ahensiya ha duha nga warehouse ha Quezon City ngan Caloocan City.
Sumala kan BIR Commissioner Romeo Lumagui Jr., ginbuhat an pagraid han BIR ngan han Criminal Investigation and Detection Group han Philippine National Police tikang dida han Huybes kutob Biyernes.
Eksplikar ni Lumagui, gintataya nga maabot ha P838 million an tax liability han mga illicit cigarette traders.
Gindayaw naman han BIR ha tanan nga informants nga nagpahibaro ha ira an bisan ano nga impormasyon ha mga posible pa nga target.
