Utro nga ginpahalawig han Bureau of Internal Revenue (BIR) kutob Agosto 18, 2026 an katapusan nga adlaw han pagsasalawad ngan pagbabayad hin buwis ha mga lugar nga ginlasurbo han Habagat.
Labot ha mga bungto nga ginbagyo, iginlakip gihapon ha extension an mga tax payers nga nakuririan magsumite mahitungod ha teknikal nga problema ha offline package han eBIRForms.
Sumala kan BIR Commissioner Charlito Martin Mendoza, panuyo hini nga tagan hin kadugangan nga panahon an mga molopyo agud makatuman ha ira trabaho hin waray iginpapahamtang nga multa o penalty.
Sakop han bag-o nga Revenue Memorandum Circular (RMC) No. 95-2026 an mga obligasyon nga nakatalaan unta tikang Agosto 10 kutob Agosto 16, sugad han withholding tax ngan income tax returns.
Nagpagawas gihapon hin direktiba an BIR ha mga Authorized Agent Banks (AABs) agud kumarawat hin mga bayad ngan aplikasyon hin waray kadugangan nga sukot kutob ha nasabi nga petsa.
Sugadman, gin klaro han buhatan nga dire kalakip ha extension an mga taxpayers nga nagamit han Electronic Filing and Payment System (eFPS) nga dire naman apektado han Habagat.
