INTERNATIONAL – Diri natatarhog an kampo ni US President Joe Biden nga umatras ha pagdalagan han pagka-Presidente ha masunod nga piniliay.
Ine in kasunod han mga panawagan han mga kaalyado hine nga Democrats nga umatras nalaa an Presidente tungod han kahimtang hine panlawas.
Ha urhi nga pagkipag-himangraw hine ha mga kaalyado in nagpapabilin nga hul-os an ginpapakita nga suporta ha iya han mga magbaralaud han Democratic kalakip na an chairs han Congressional Hispanic Caucus ngan Congressional Black Caucus.
Haros 20 na nga mga magbaralaud nga kaalyado ni Biden an nanawagan han iya pag-atras, kaupod na dinhi hi California Rep. Adam Schiff, nga pinaka-matindi nga kritiko ni anay US President Donald Trump ngan nagserbi nga impeachment manager han una.
