NATIONAL – Nagpahimatngon an Bureau of Immigration (BI) ha publiko kontra ha mga peke nga dokumento, sugad han surat nga nagpapanggap nga tikang ha ahensya ngan nangangaro hin kwarto ha mga makarawat hine.
Sumala kan BI Commissioner Joel Anthony Viado, gingagamit han mga scammer an sugad nga klase hin surat agud hadlukon ngan madalian nga aghaton an mga biktima nga magpadara hin kwarta.
Usa ha mga nakarawat han mga ine nga kaso in an usa nga peke nga surat nga mayda daw pirma ni Viado ngan ginpadara ha usa nga babaye ha Pampanga.
Sumala kan Viado, kaparte ine han gintatawag nga ‘love scam’ kun diin gin aaghat an mga biktima han ira mga langyawanon nga karelasyon nga nakilala online nga nabalabgan hira ha paluparan.
Nakasulod gihapon ha surat an pahimatngon nga ig undang an pakikigsumpayan ha nasabi nga langyawanon, kadungan han mga hulga maypahisumpay ha Anti-Money Laundering Act.
An nasabi nga surat in nag-mamando ha biktima nga makigsumpayan ha usa nga “opisyal” pinaagi han social media ngan usa nga mobile number, ngan nagmamando nga magpadara hin kwarta ha usa nga pribado nga bank account, nga dire otorisado han BI.
