NATIONAL NEWS– Lilimitaran na hiton Bureau of Immigration (BI) ann pagamit han mobile phones han mga foreign detainees kun diin igbabalik nala hiton ahensya an landline phones ngan an pagtindog han video call booths.
An nasabi nga pitad in kasunod han rebelasyon han Russian vlogger nga hi vitaly zdorovetskiy nga ginsuhulan hine an mga guwardiya para makapag shoot hin vlog ngan makagamit hin mobile device samtang nakadto ha sulod han detention.
Sumala kan BI spokesperson Dana Sandoval, babalyuan an landline phones ngan mobile devices agud nga mas mabantayan an komunikasyon han detainees ngan malikayan an sayop nga paggamit hine.
An mga video calling booths in igbubutang para masubaybayan gihapon an mga foreign detainees kun gingagamit han mga ine hin sakto an nasabi nga communication line.
Subay ha inisyal nga investigation han BI, nakasulod ha facility an mobile device ha bulig han usa nga Filipina nga asawa han usa nga detainee ha BI.
Subay ha BI, dire nira papalangpuson an isyu matunod may pira nga mga detainees an gin-aabusar an ira kagawasan ha sulod han facility.
Ha pagkayana ginkarawat na han Malacañang an courtesy resignation han warden han Bureau of Immigration Warden Facility, samtang an duha nga deputy wardens ngan tulo nga empleyado an gintanggal na ha ira posisyon.
