NATIONAL – Target yana han Bureau of Fire Protection nga padagmiton an ira pagresponde ha mga kaso han sunog yana nga bag-o nga tuig.
Sumala ha BFP, ipapatuman nira an dayon nga pagresponde han ira mga fire truck ha mga insidente han sunog ha sakob la han lima ka-minutos labi na ha mga lugar nga matawo ngan may hataas nga populasyon.
Sumala kan BFP Spokesperson Anthony Arroyo, an kalayo in nadoble ha dako hini haros kada 30 ka-segundo.
Mahitungod hini, an usa nga sunog nga nagtikang ha usa nga kwarto in puydi magsarang ngan lamunon an bug-os nga balay ha sakob la hin lima kutob 10 ka-minutos.
Ini in usa nga ambisyoso nga panuyo nga nanginginahanglan hin dako nga paningkamot ngan dedikasyon tikang ha bug-os nga organisasyon.
Dugang pa ni Arroyo, usa ha mga pangunahon nga prayoridad han BFP in an madagmit nga pagresponde ha mga sunog nga naganap ha mga matatawo nga lugar.
