TACLOBAN CITY — Nagpahimatngon ha publiko an pamunuan han Bureau of Fire Protection (BFP) nga deri magpanic ha sakob hiton mga
establisyemento o tagsa panimalay pananglitan nga magkamayda hin sunog.
Sumala kan SFO4 Alvin Jacer, Municipal Fire Marshall han Dulag Fire Station, deri dapat magpanic an usa nga indibidwal pananglitan man nga mangada ha mao nga sitwasyon lugod in gamiton an tagsa fire distinguisher kun deri pa gud grabe an kalayo.
Deri gihapon daw bayaan an ginluluto matungod nga pwede ini maging kawsa hin sunog ha panimalay.
Gisagdunan naman han mao nga opisyal an ngatanan nga nagtatag-iya hin establisyemento nga tugunan an tagsa empleyado nga deri dayon malisang o magpanic tigawas ha nasusunog nga building.
Mababaruan, nasunog an usa nga dako nga establisyemento ha Dulag, Leyte han nakalabay nga Hunyo 27 kun diin nagbilin ini hin more or less 17 kamilyon nga danyos.
