TACLOBAN CITY — Tim-os an pasasalamat han Bureau of Fisheries and Aquatic Resources (BFAR) regional office 8, ha mga namalit han mga produkto han mga parupangisda ha merkado ha siyahan nga adlaw han Kadiwa ni Ani at Kita.
Sumala kan Christine Gresola, tagapagyakan han BFAR regional office 8, magkalan-lain nga mga presko nga seafoods an ginbabaligya ha booth han kadiwa ni ani at kita sugad hiton, pasayan, bangus ngan tuna.
Matungod nga nagpapabilin lagihapon nga red tide free an bug-os nga Sinirangan Bisayas in nakagbaligya na gihapon hira in magkalain-lain nga produkto han tahong.
Nagpasabot naman an mao nga buhatan ha ngatanan nga asosasyon nga karuyag bumulig ha kadiwa ni ani at kita nga dayon la dumangop ha tagsa provincial fisheries offices ha BFAR agud mabuligan an mga ini nga mai-patronize an tagsa mga produko.
Magpapadayon an panbaligya tubtob yana nga adlaw han mga produkto hiton mga parupangisda ha merkado han kadiwa ni ani at kita nga namumutang ha Marasbaras, siyudad han Tacloban.
