METRO MANILA – Ginsigurado han Bureau of Fisheries and Aquatic Resources (BFAR) nga sakto nga maipapandestribwer ha mga parupangisda an fuel subsidy ha butnga han krisis ha lana.
Sumala kan BFAR Spokesman Nazario Briguera, may-ada hira mga mekanismo nga ginpapatuman agud masigurado nga an mga lehitimo nga benepisyaryo la an makakatagamtam hin one-time nga ₱3,000 nga fuel subsidy.
Sumala hini, nga may-ada registry system an BFAR agud masabtan kun pira an mga tatagan.
Ginparayaw pa ni Briguera nga nahitabo na hadto an pandestribwer hin fuel subsidy ngan waray man nagin problema.
Nauna na nga nagpahayag hin kabaraka an grupo nga PAMALAKAYA may paghisumpay han distribusyon han fuel subsidy, sugad han iba nga ayuda, napupulitika na liwat ini kun diin pili la an natatagan hin bulig.
