TACLOBAN CITY – May-ada la gihapon lugar ha rehiyon nga aada ha ilarom han shellfish ban.
Sumala kan Christine Gresola tagapagyakan han Bureau of Fisheries and Aquatic Resources o kun BFAR Regional Office-8, mahugot nga temporary nga igindidire an pagkuha, pagbaligya, pagpalit ngan pagkaon han ngatanan nga klase han panti-on o mas kilala nga alamang o hipon ha pira nga mga kadagatan ha rehiyon.
An Irong-Irong Bay ha Catbalogan ngan San Pedro Bay han Basey Samar an mga areas nga apektado han mao nga Red tide toxins.
Dugang pa han mao nga opisyal, waray pa ha pagkayana katungod an mao nga buhatan nga kumpiskaron an makikit-an nga magbabaligya han mga igindidire nga pagkaon.
Pero basar han ginhimo nga laboratory analysis han regional office in nagpositibo na ha shellfish poison an tubig ha may Guaian Eastern Samar samtang an water sample naman ha may Cancabatu Bay in nagpositibo na gihapon.
Ha pagyakana in ginhuhulat pa an confirmatory result tikang ha Central office ngan ginpapaghirot na ngatanan agud makalikay han mao nga toxins.
