TACLOBAN CITY– Gintagan hin pagklaro han Bureau of Fisheries and Aquatic Resources (BFAR)-8, an kasumpay ha nagsarang nga post ha social media nga damo nga mga hipon an nagsarangha ligid han baybayon ha San Isidro Leyte.
Sumala kan Christine Gresola, Regional Information Officer Bureau of Fisheries and Aquatic Resources (BFAR)- 8, an nasabi nga panhinabo in dire angay kahadlukan han publiko, matungod nga normal ine nga natatabo ha panahon hiton season han mga hipon.
Ginmalatumat naman han nasabi nga opisyal, nga maabot ha 15 kasako an nakolekta han mga molupyo nga nag-uukoy ha nasabi nga lugar.
Ginpaangbit naman hine, nga talwas nga igbaligya ngan kaunon an nasabi nga hipon matungod nga malimpyo naman an nasabi nga baybayon.
Nagpahimatngon naman ine ha publiko, nga hugasan hin maupay an tanan nga mga seafoods kalakip na iton isda ugsa an mga ine nga lutuon.
