ENTERTAINMENT – Tumalikod na ha kadayunan an aktor ngan singer ha teatro ngan pelikula nga hi Cocoy Laurel han nakalabay nga Sabado, Hunyo 14, ha edad nga 72.
Ini in ginkompirma mismo han pamilya Laurel ha social media, pero waray iginpahayag an hinungdan han kamatayon han aktor.
Ha nasabi nga Facebook post, iginsaysay han pamilya ni Cocoy nga hiya in usa nga tawo nga mayda halarom nga pagtu-o ha Ginoo ngan gingamit an iya musika para magserbe ngan maghatag hin inspirasyon ha iba.
Samtang, naghatag gihapon hin mensahe hin pasasalamat ngan pakikisubo an iya mga umangkon, kalakip na hi Denise Laurel nga gintawag hi Cocoy nga “uncle, mentor, ngan confidant.”
Gindayaw gihapon hiya han iya pamilya mahitungod ha iya pagigin bu-otan, pagigin marakit ha pagkanta ngan acting, pati na gihapon an iya marig-on nga pagtu-o.
Manunumduman nga hi Cocoy Laurel in anak nira anay Vice President Salvador “Doy” Laurel ngansinger/actress Celia Diaz Laurel.
