HEALTH NEWS— Damo an benepisyo nga angkon han ampalaya ngan dahon hini. Sanglit naman kilala kumo pirmi sulod han kusina an mao nga utan tungod masustansiya ngan marasa ini.
Damo nga mga henerasyon na gihapon an gumamit hin ampalaya o bitter gourd (kilala ha tawag nga bitter melon) kumo tradisyonal nga herbal medicine tungod subok na hin maupay ha napakadamo nga sakit sugad han anemia, mga problema ha atay, ngan maski HIV.
An ampalaya in riko gihapon ha vitamin A, B ngan C, iron, folic acid, phosphorous ngan calcium, ngan riko ha antioxidants nga naato ha mga free radicals (metabolic by-products, o waste) nga nakakaguba ha aton panlawas.
Subay ha Department of Health, an ampalaya in epektibo nga herbal medicine mahuman an masusi nga pag-aram. Nakakabulig gihapon ini ha ubo ngan sakit ha panit.
