TACLOBAN CITY– Ginpahibaro han Bureau of Fisheries Aquatic Resources BFAR-8, nga positbo an kabaybayunan han San Pedro Bay nga sakop han Basey ha Red Tide toxins.
Sumala kan Christine Gresola, Information Officer han BFAR-8, nga hapagkayana in mayda ginpapatuman nga shellfish ban ha nasabi nga baybayon, kun diin gindidire la anay manguha, magbaligya o mag transport han ngatanan nga klase hiton pangti-on.
Pananglitan makahibaro an buhatan hiton BFAR-8, kalakip na an iba pa nga mga law agencies, nga mayda nanguha ngan nagbaligya tikang ha mao nga baybayon, in dadakpon an mga ine ngan posible nga mayda kaatubangon nga penalidad.
Pagklaro naman ni Gresola ha publiko, partikular na nagkakaha-hadlok kumaon hin mga seafoods pananglitan nga nagpapalusad hin shellfish ban an BFAR-8 ha rehiyon, nga an ginbabawal la kaunon in an mga seafoods nga tikang ha baybayon nga gindeklara nga ban hiton buhatan.
Gintagan hin duon han mao nga opisyal, nga pwede kumaon hin mga seafoods nga tikang ha iba nga baybayon nga talwas ha Red Tide toxins.
