TACLOBAN CITY — Nakatalaan nga magsaluwad hin kaso an grupo nga Bayan Sinirangang Bisayas ala kontra ha mga empleyado han City Engineers Office (CEO) nga nagdumara hin demolisyon ha Barangay 6-A Lopez Jaena, siyudad han Tacloban.
Sumala kan Joshua Sagdullas, secretary general han Bayan Sirangang Bisayas, nga damo an mga nabuhat nga violation han City Engineers Office.
Usa na dinhi an pagtalapas han katungod han mga residente magpakabuhi labi na nga kaudgan ha ira in may-ada mga tindahan.
Ginduon naman hini nga mas matimbang para ha siyudad nga paupayon ngan pahaulagon an mga kalsada bisan ha luyo nga damo nga mga residente an mawawarayan hin urukayan ngan pakabuhi
Panawagan pa han mao nga grupo nga undangon an anuman nga ginplaplano nga demolisyon han City Govt ha diin man nga parte han Tacloban.
An kaparte han pamahayag ni Joshua Sagdullas, secretary general han Bayan E. Visayas
