ODD NEWS- Nakaka-bilib an panhuna-huna han usa nga Gin maker ha Paarl, South Africa matungod nga baya han elepante an usa ha iya mga ingredients ha paghimo hin makahurubog nga irimnon.
An gintirok nga baya han elepante in ginpapamara ngan pagkahuman in ginbubutang ha mapaso nga tubig agud nga ig-andam ha masunod nga proseso.
Subay kan Les Ansley, perpekto nga ingredients an baya han mga elepante matungod nga mapili ine nga kumaon hin mga pagkaon ngan an mga magrasa la nga dahon, prutas, bukad ngan iba pa nga tanaman an ginkakaon han mga inbe nga pwede maghatag hin aromatic spirit ha makahurubog nga irimnon.
Dugang pa hine, maabot ha 1,500 kabotelya han Gin an nahihimo nga ma-export ni Ansley ngan han iya asawa kada bulan tikang han iglunsar an mao nga produkto han 2018 ngan yana nga tuig la nagtikang nga mag-suplay ha duha nga dagko nga retailers han makahurubog nga irimnon ha mao nga nasod.
Mababaruan nga 15% nga kita han produkto in ginhahatag han mag-asawa ha usa nga elephant orphanage kumo donasyon.
